احمد فائق الاسدي الـــــــــــــــــــمـــــــــــديـــــــــــــر الــــــــــــــــــعــــــــــــــــــــام
عدد الرسائل : 312 العمر : 40 البلد : العراق/واسط/قضاء الحي الهوايه : الشعر المزاج : حزين تاريخ التسجيل : 14/09/2008
| موضوع: قصيده للشاعر كاظم اسماعيل كاطع الجمعة يونيو 12, 2009 6:36 pm | |
|
ما اروع ما كتبه الشاعر الكبير كاظم سماعيل كاطع
ماصـــــــبرتـــــي
ماصبرتي ؟! صمتي رمضان العشك وبزاد شماتي فطرتي والف ايه شوك نزلهه الكلب لعيونج وبيهه كفرتي ! وانذبح بيدج عشك سنتين عمره وما نفرتي ما صبرتي ! ها ... وصلتي اسبعطعش وبعين المرايه كبرتي .. وانتي غيمه تبخرت بدموع عيني وبزرع شامت مطرتي وسرج بكلبي اندفن وانته اعله سرج حفرتي ما صبرتي ؟ وج فجت بيج البحر شو ساجيه بيه ما عبرتي وبعد ليلي بأوله .. لا غاب نجمه ولا نظرتــي ما صبرتـــــــــــــي ؟ ! اشحسبتي ثلجت نار الموده وبعد ما تلسع جمرتي .. لو نشف سيل المحنه وذاك كيظ الشوك ما شفتج عطشتـــي ما ذكرتي ؟ لادرب .. لا ليل ! لا مكتوب بحروفه انجبرتي لا حلم وعاج .. لافكرج مشه بحسبه وعثرتي والله خجلتي العشك وبعين اليحبج زغرتي والله ما تسوين ذاك مكالبي بليل السهر يلما سهرتي .. روحي ما تسوين دمعه تلملمت كوه بعبرتي بعتي كل ودي برخص .. وانتي الخسرتي .. ماصبرتي ؟ ها تلاكه وياج شامت وبوجهه غيظه ابتشرتي لو حله بعينج رسم غيري ونكرتي ؟ لو وصلتي سبعطعش وهذا حدج بالعشك وبعين المرايه كبرتي ! ماصبرتي ما صبرتـــــــي
| |
|