ابوذيات لشعراء قضاء الحي وشعراء المحافظه

بسم الله الرحمن الرحيم

السلام عليكم

هاي ابو ذيات لشعراء خطو اسمائهم باحرف من ذهب هم شعراء من محافظتي العزيزة واسط الغالية
مع سبب كتابة بيت الابوذية لكل شاعر

ابوذيات واسطيه خالدة

يقارن الشاعر محمد المهيدي بين زمنه وزمن الاخرين
نظل نريه المحان احنه ونصباي
انخفض عزمي گبل رفعي ونصباي
ابصباهه الناس تستانس ونصباي
گظيته بكـــــــــدر وهمـــوم واذيـــه

ويدخل عليوي الغافل نارين بمقارنته
كل مغرم گوه عزمه وانه راك
اهلكت ما عاد اشوفنك ونه اراك
يجـدح بگلبــي ونـه اراك
لعد غيري ضياهه وحرهه اليـــه

فيما يطالب جعفر السكر من حادي الظعن
يحــــادي الزمل بالله عليك تنواي
رحت عنــــي لـــوين تريد تنواي
اگلة اكرب يكلـــــي ليك تنــــواي
بسنه خدي وتظل اتلـــــوم بيـــــه

ويحدثنا عبد منخي عن ديار العز
الشرف من دور اهلنه ماسكنه
اوغير اوطان عزنه ما سكنه
يجــــي الابلد يهيج ماسكنـــــه
بثنـــايانه ويكول الدار اليــــه

ويفاجئنا غازي حجيل بكلمة (( ارتين )) التي تهز كياننا

ارتين الوكت بعض دمعي من ابجاي
دمه وصاب الگلب محبوبي من ابچاي
چنت اشفج عله عيوني من ابچاي
لچن لاجلك يغالــــي ارخصت هيـــــه

ويرسم جميل افندي الواسطي بقلمه الساحر صورة معبرة عن اللقاء بعد الفراق

لفة ولفي اليعاتبني واعتبـه
بهدوة ولا الواشي وعتبــه
يعتني وانتحب وابچي واعتبه
بچه ودموعنه صبن سويه

ويتحفنا السيد عيسى الجصاني بكلمة (( نمارق )) الجميلة المعبرة التي طرزت بيت حلق عاليا فوق رياض الابوذية
جلوسه اعله الارائك والنمارق
وحرير الحور لبسه والنمارق
يحن للغير كلبــــه والنمــــارق
وهو يدري بهواه اشعمل بيـــه

ويبتعد عن فكاهته المعهودة الحاج عبيد ياسين ليصوغ لنا لؤلؤة زينت جيد الابوذية

عيونه گبل اشافة شتمنــــي
وعگلي الچان ثابت شتمني
انهجم بيتچ يروحي شتمني
تمنيت الذي يصعب عليــه

ويولد ويقول صادق تويه ليذهب مثلا
لمن ياعين هليتـــــي وسلتـــي
راح الچان امل روحي وسلتي
غزوني وفرهدوا عنبي وسلتي
وذبــــوا چتلت الناطور بيــــه

الى الابل ومنها واليها يكتب الشيخ عبد الله الحاشي ليسترسل ويوضح
حنين النيب مثلي يمتحنـــــه
ودم هذا البديه يمتحنـــــه
متى الباري بغرامك يمتحنه
بصبر ايوب وتريده عليه

ويقتنص هاشم الحاشوش مفردة بسيطة ليوزعها عدة معان يكتمل بها نصاب بيته
يفز كلبي الشخص يو شبيهـــه
او عليه الروح صارت يو شبيه
اكرهتهه جي عذولي يوشبيهه
سفيهـــــه وقبلت العاذل عليــــه

ويوجز هاشم الدريعي مكنونات نفسه
ترف شغله شعز عندي منشفاك
اموت اويحتيي عودي منشفاك
لون اسمع حچـي يغثني منشفاك
مزاح اتصوره مو غيض اليــه

ويوصف محمد الغالي ويرتقي بوصفه
ابنده البورود وجناته وردني
خذاني الشوگ بوداده وردنــي
بيدي اسحبت دمعاته وردني
اوعله ايدي غفه اومابين اديـه

وعلى يدي سالم الدباغ يبيض ديك الشعر
ترف گلي اشتبي من الزيج لشتاك
اتگفظ مستعد بالصيف لشتاك
وحگ من عزل بترتيب لشتاك
ارگدت لشتي بهواك شلون بيه

السلام عليكم شلونكم اهل الحي الكرام شعجب ما ذاكرين ابو ذيه للشاعر المرحوم استاذ ناصر عباس جويد اتمنى منكم تذكروه مع ارق تحياتي

جميل هو الشعر الحياوي وخاصه ابو ذيه الحياوي عشت ومشكورررررررررررررر

يسلمــــــــــــــــــــــــــــــــــــــــــــــ ـــــــــــــــو
الايــــــــــــــــــــــــــــــــــــــــــــــ ـــــــادي
علــــــــــــــــــــــــــــــــــــــــــــــــ ــــى
الموضـــــــــــــــــــــــــــــــــــــــوع
الجميـــــــــــــــــــــــــــــــــــــــــل
تقبلـــــــــــــــــــــــــــــــــــــو
مــــــــــــــــــــــــــروري
المتواضــــــــــــــــــــع

الله شنو لابذيات الحلوة احب اضيف هذا البيت الدارمي للاخ الغالي حيدر حسين المياحي يمربينة للمددل ويعدينة شبدة وشصارمنة ويعدينة شيفيد النصح كلي ويعدينة اليعاندة ويرد العسكرية تحياتي لة اخوك المهاجر نسيم الروح

تعيشون وتسمعون ابوذية من اهل الحي باشباب