قصيدة عبرة وكت للشاعر رحمن جمعه شلاش

عبرة وكت قصيده للشاعر رحمن جمعه شلاش

جزه الله ألتجارب تكشف ألناس
تبين ألزينه وألشينه تـــــــراويــــــــك
تكلك هذا صافي هذا دســــاس
تعرفك باليخونك وأليخــــــــاويك
****
البشر لو راد يـــــــوفـــــــــــي وياك
لون راد ألگباحة يذبــــــــــك أبير
لـــــــون عندك طمع يفرح بملگاك
لون مامش يگلك كش ملك طير
بساعــات النفاهه تشوفه عيناك
وبوكت ألشدايــــد وحدك أتحــير
رجل وبكه رجل لا لاتطـــــــــــــخ راس
ظل لاوي الزمان اشــــما يــــــــــــلاويك
اصبرللمصايب والصــبــــــر بـــــــــــــاس
تحملهه الجروح اشـــــــــــما تاذيــــك

****

أصبر للمصايب وألصــــــبر زيــــــــــــــن
وأصبر والصبر مفتاح كــــــــــــل بـــاب
أتركهم رفاگــه حــــجــــــي الوجهـــــين
وأترك لاتصادگ أبــــــــد جــــــــــذاب
دوم وياك يلعب علــــــــه الحبليــــــــن
من تعتب عليه شيفيد ألعتــــــــــاب
لـــــــــــون لحظة يصاحب صابك أفلاس
يعوفك ما يعــــــــرف أشبيـــــــك ما بيك
أبي ألنفس دومــــــه يكــــــــــون حساس
ألحليــــــم مـــــــن ألاشارة يعرف أشبيك
****
شحلات أللمه ما بيـــــــــــن أليحبــــــون
دغش ما مش دغش تتصافه ألگلوب
ألعتب ينشال طــــــاري ألعتب ينسون
بيبان ألعتب تنسد فــــــــــرد نـــــــــوب
لجل خوتهم بكلشـــــــــــي يضحــــــون
يعدلونه ألذي بممشــــــــاه مكلــــــــوب
يظل بس ألذي بيه دغش بالســــاس
بحجي ألمعسول يلفظ من يحاجيــــك
خلق رب ألعرش أشكال وأجنـــاس
من هذا ألبشر كلشــــــــي يلاگيك

****

ألبشر ما هــــو سوه ولافرد أطباع
لكل أبنــــــــــــادم أطباعه وصفاته
بيهم يمتلك عفه لـــــــــون جـــــــــاع
يداري بالصـــــبــــــر روحه برهاته
وبيهم مثــــــــــل ابن آوى بالاطماع
يحـــــــــاول يمتلك كلشـــــــي بلهاته
بيهم طيبته جــــــــــن ورگة ألياس
بعطرهه من تفوح تحس تناغيك
وبيهـــــــم بالــــــدغش يلمع جل ألالماس
يالماس ألـــــدغـــــــش خسران شاريك

****
تمعن مـــــــن تعاشــــــــــر لاتظــــــــل دوم
تختــــــــــــار ألصديـــــــــچ وبيه تغلـــــــط
تاني وعشرتك ما هــــــي فـــــــــرد يوم
ولاهي جيته يا صاحب وسط شط
تخير صاحب أليشـــــــــــــــرك بالهموم
أتـــــــــــركه ألزيد ألغــــــرگـــــــان بالغط
ألوكت بيه تربح بمره وألـــــــــف داس
يخسرك وأليضحك هـــــــــــو يبجيك

الى اخي وصاحبي ابو خد مشمشه ابن شلاش رفيق الدرب والكفالح
انتظروا جديدنا
اذا هذا بليل جا وين الحسينيه
واذا هاي الحسينيه جا وينه بليل
وكبير حبي لمدينتي الخياليه بناسها الاشراف الطيبين
شكرا للحي واهل الحي
يامدينة افلاطون الفاضله لك عمري وحبي وعرفاني

اخواني اهل مدينة اكرم والكرامه انااعلم علم اليقين ان قصيدة لاتعتذر كتبها علي اللامي في غفله من نفسه ولكنها سرقت منه في وضح النهار . لدي مقاطع من هذة القصيده الرائعة وارجوا منكم من كانت لديه كامله ان لايبخل بها علي ولكم شكري .
لاتعتذر.... خليي ادورلك عذر ....كلك عذر .....من جدمك لحد الخصر.. ومن خصرك حد الصدر
ومنصرك لحد النحر ...........ومن نحرك لحد الثغر... واشفايفك من عطش تنكط خمر
لاتعتذر وتفزز اجروي الغفن مابيهن شوة صبر
الناس من تنذر نذر تشعل العشره ن الشمع واني اشتعل كلي الك فدوه ونذر