ابوذيات جميله ورائعه

من بستان الأبوذية

> رضا حبيب الحاج

ليس من باب الانحياز او المجاملة انما هي حقيقة تكاد تكون ثابتة فنكهة الأبوذية الحياوية بمفرداتها (الحسچية) تجسد قوة الصورة ووحدة الموضوع تجعلك تحلق في فضاءات واسعة من الأبداع والعذوبة فتحية لمن سبقنا بهذا الفن الأصيل.

للمرحوم الشاعر محمد المهيدي الحياوي

أحب كل اغيّد امرد مردانه

أله واهموم گلبي مردانه

مَر شح التواصل مردانه

مرّه اغضَب ومره ابتسم ليه

وله ايضاً..

وحگ من صاغك وصبّك وراباك

الك والهذّب اطباعك وراباك

خطيتي وكل مياثيمي وراباك

عبن چن خلفك للناس أذيه

وله ايضاً..

بالله يا رچايبهم تمدّن

ابغضه وجروح دلالي تمدّن

ذاكه الساچن البيده تمدّن

وآنه راعي المدينه البيده اليه

* للمرحوم الشاعر سالم عباس الدباغ

ترف گلي اشتبي من الزيج لشتاك

اتكفّظ مستعد بالصيف لشتاك

وحگ من عزّل ابترتيب لشتاك

ارگدت لشتي بهواك اشلون بيه

وله ايضاً..

تبي اتطشر شمل ودنه تبلّم

شجاك من النشد فاهك تبلّم

الك خدين واحدهم تبلّم

يشع وينقري الممحي اعله ضيه

* للشاعر عبدالرضا خلباص

خلص گلبي يخلاني من التل

وگمت ما ميّز النصّه من التل

أثاري الصوچ مومني من التل

تحرك من مچانه وردم بيه

وله ايضاً..

يراحل طالت اهوايه رحلتك

وفرد بتين من گلبي رحلتك

احبابك دوم تنشدني ورحلتك

الك لو ما الك للدرس جيه

* للشاعر سلام اعريبي (ابوالسلو)

صلب ما ينثني عزمي گواني

اسايس دنيتي امسايس گواني

اتريد اهموم اوديلك گواني

اذ مو للحلگ ردهن عليه

****************