ابو ذيات رائعه لشاعر الحي ناظم الحاشي

[b][b]عفينه ولاعرفنه اسباب .. شطاك
وعطشنه وماشربنه ماي .. شطاك
كلي الوهدناك اتخون .. شطاك ؟؟
وشخذ منك ثمن جرمك عليه ؟!

................

اسلم ماترد مالك .. عسلماي
وبيك ايدير من هجرك .. عسلماي
انشدك عن لمى اشفافك .. عسلماي ؟؟
حليب ودرته اشفافك عليه

..............

رماد الود على افراكه .. ولعناه
و***نه اشما سكن شوكه .. ولعناه
شلي ببليس اسبنه .. ولعناه
غواني الحب شله الشيطان بيه ؟؟

..............

مشه والروح غفله .. راودتني
وعليه العين تربي .. راودتني
زليخة بوجه ثاني .. راودتني
عن نفسي وخذت ثوب العليه

..................

كصير الدرب مالك .. ماشعلني
وانا ظنتي ابجهنم .. ماشه عني
طفيت وغير شخصك .. ماشعلني
قيامه لوحدي سويت بيه

.................

متى منياي يحبابي .. سنلها
ويوم البالجفه روحي .. سنلها
دويت ونار فركاكم .. سنلها
وحركت الفزعوا ايطفون بيه

..................

شبيهك بالحواري العين .. يندار
ولجدامك فرشت الروح .. يندار
نذر عمري اعله عمرك كون .. يندار
وشكو عندك علل تندار بيه[/b][/b]

ودي اكعد كبالك واحضن واشم بيك ...
و ادك حبي بقلبك وشم بيك ...
من كل دكه اعرف شبيك وشمبيك ...
احسن من اسألك واتظم علييه ...

***************************

حبيبي شكد وفي ومخلص وصادق ...
و اوعدك ما احب غيرك واصادق ...
وحق المهدي والباقر وصادق ...
يظل عشكك للموت بيه ...

***********************

فيض بحور يجيني موجك حبيبي وانهار ...
ويذوب الحيل من اسمع انفاسك وانهار ...
بخيالي عايشه طيوفك ليل ونهار ...
وادعي من ربي يجمعنا سويه ...

***********************

ينخر بالكيان الحزن مثل ما تنخر بالنخل ارضه ...
ويخلي الوحيد بحيره لا طايل سما ولا ثابت بارضه ...
ريتك حبيبي باحضاني بيك اقنع باقي العمر وارضه ...
واجج بنارك لهيبي و نحترك بيها سويه ...

طعم طيبك يغالي عسل .... وي جوز
ومنك مايتوب الكلب .... و يجوز
تريد انساك بس بالموت .... و يجوز
تلمنه الاخره ونرجع سويه
--------------------------
يهل تنشد لحالي ....حالفاني
وبس الحزن بعدك ....حالفاني
ابد ما احب غيرك ... حالف اني
وجدت روحي الك بثنين اديه
--------------------------------------------------

زلازل ماتهز كلبي ......ولعصار
وطحن ماأثر بحالي.....ولعصار
لجن حاله اصبحت عندي.....ولعصار
تذوب الــــــــــروح من تجبل عليه