احمد فائق الاسدي الـــــــــــــــــــمـــــــــــديـــــــــــــر الــــــــــــــــــعــــــــــــــــــــام
عدد الرسائل : 312 العمر : 40 البلد : العراق/واسط/قضاء الحي الهوايه : الشعر المزاج : حزين تاريخ التسجيل : 14/09/2008
| موضوع: قصيدة للشاعر مشكور العايدي الخميس يوليو 23, 2009 8:02 pm | |
| ترس فانوس 000للشاعر مشكور العايدي =========================== علامك ياوطن شو غلست فد نوب ماجنك وطنه البيه تربينه يمكن ايست جي خيبنة ارباك ويمكن عالكفخ رهمت علابينه
جريمه اكبر جريمه اتكول عنه احرار وصار اسنين كاس الذل يساكينه تره اعكال اليدنك لاتحسبه اعكال ومضيف بلا زلم تبرد فناجينه
نجذب ارواحنه ونكول صرنه بخير تكتلنه امريكه انكول تحمينه دكوم انفض عباتك ياعراق شبيك مو ماظل متن يتحمل اعبينه
كافي من الجبن مو صار ست اسنين كفخه اتجيبنه وكفخه تودينه مليونين ماتو شعب نصه ايتام وثلثين الارامل من نساوينه
جم حره انسبت وشجم عزيز انهان وعلى جرح الشرف بردت السجينه شلك بالعمر لو امك تناديك هايبني الوطن باكوه اعادينه
ها يبني الولد بيتك ولك طبوه ها سلبو خدرنه وداسو اعلينه مو عار النساء الماتطب ميدان بس عار الزلم نسوان تنطينه
شعارات اشكثر رفعوهه الامريكان وعله حس الطبل خفن يرجلينه الماعنده عكل صدك يشوف الخير وعله خيط الوهم دستر حياطينه
يابغداد بيمن بعد تتوضين ودم اولادنه اليجري بسواجينه بلد يذبح اولاده وعايف الكتال تحرير الوطن ماجنه يعنينه
صفحه تصيح شيعه ونلطم اعله حسين واحنه البوك فوك الهام غاطينه وصفحه تصيح سنه ومانطخ الراس ولو يطلع عمر سقط جناسينه
المن بعد ننطر واحنه مبيوكين وابنص بيتنه كاعد حرامينه خجل تاريخ اهلنه شما يلم امجاد وخجل حتى الدمع من كد بواجينه
كبل بين الدول من نمشي مهيوبين هسه يدير وجهه الجاب طارينه تره الينطر فجر ميهمه طول الليل شما طال الفجر تنطك روازينه
دكوم انلم شملنه انحوف العدوان تره امريكه وعلي بعدين تكظينه خلصنه العمر بس صفك للحكام ومن كثر الدبج ورمت رجلينه
يوميه انتصالح بس مختلفين عله شنهو اختلفنه وجاي ترضينه عمي اكفونه شركم ياسياسيين هجمتو ابيوتنه وطاحت مبانينه
حيل وياه الطاح انصيح كلنه اعليه ولا واحد ركضله وكامله ايعينه انت بغير اخوك الواحد يسموك ومن تنطك تكول الناس شعلينه
ماصدك بعد لو كتلي اجاك الخير روح بعينك وشاهد موانينه نغفه اعله النفط وثيابنه بالات وترس فانوس محد كدر ينطينه
عرك وجه الوطن من شاف اليجدون وعله مدت اديهم دمعت عينه الجانت ياوطن ماتملك الفلسين باكت بيتنه وجفت مواعينه | |
|
اسير المرح
عدد الرسائل : 40 العمر : 36 البلد : العراق الهوايه : المطالعة المزاج : عاشق تاريخ التسجيل : 21/10/2009
| موضوع: رد: قصيدة للشاعر مشكور العايدي الخميس أكتوبر 22, 2009 8:19 pm | |
| يسلموووووووووووووووووووووو | |
|