احمد فائق الاسدي الـــــــــــــــــــمـــــــــــديـــــــــــــر الــــــــــــــــــعــــــــــــــــــــام
عدد الرسائل : 312 العمر : 40 البلد : العراق/واسط/قضاء الحي الهوايه : الشعر المزاج : حزين تاريخ التسجيل : 14/09/2008
| موضوع: الى معز المؤمنين الحسن المجتبى عليه السلام قصيده للشاعر أنمار شدود الإثنين أغسطس 30, 2010 11:23 pm | |
| بيك افضال ماتنعد
الم كَوه السوالف بيك وتفرهد
منين ابدي منبوك منمّك منجّد
يعركَ قلمي من طرواك ومقصر يبو محمد
بيتك للكرم عنوان والدكَ بابه ماينرد
وبحرك جزر بس بالطيب وبقانونه مامش مد
وجفك ربت بس عالهاك تطّي بلا حساب وعد
اندب ياعلي من اتضيج لوباب الفرج ينسد
لاجن بالمعسره باسمك اتنخّاه وبس يابو الحسن الكَاهه فيت وكَد
عله شفاف اليتامه الكَاك بسمة عيد تتوسد
وبعيون الثجاله العود سور وروحك الهن سد
وبوجه الحزين تصير رصعة ضحك فوكَ الخد
والك بينه حسافه واه نار توج فلا تبرد
جرح مافاد بيه خياط لايلّم ولاينشد
الف عدّه وجثيره اعوام والتاريخ ظل اسود
شيّد للرذيل صروح لاجن بالنفخ تنهد
وفرض كَبرك شبر عالكَاع .. لاكن صار قبله وبيه نتعبّد
شلّك بالكَبب مولاي ونته الكحله والمرود
وقيمة كل كَبر معروف للي بلحده يتمدد
ونطيك الدليل بهاي واضح شمس تجسّد
شفه العله بتراب حسين ..!؟ لو ذهب المناره البيه دوه الارمد | |
|