ابوذيه للشاعر عبد الحسين الحلفي

إبتليت إبحب حبيبي بلوة هاية
ولوة هاية وأعينة بلوة هاية
إنعمت هاي إعلة مودة بل وهاية
ويكلي شبيك ماتبجي علية
_________________
إشفنة من وكتنة شفتهمنة
وهمنة إكبال عينك شفتة همنة
ذبحنة وفوك ذبحة شوف تهمنة
يكلهم بالذبح تعبولي أدية
_________________
أحباب ألروح كلبو فرد كلبة
ووكتنة إبلون نص الليل كلبة
دفعني وإنكلبت شلون كلبة
وسحكني ومن عثر ظل يسب بية
_________________
يدنية وياي بعد وبعد جدي
وعلي صيحي بعالي ألصوت جدي
هجمتي بيت أبوي وبيت جدي
وأنة إبلا بيت شتهدمين بية ____________
كبل من أصل طيب فرعينة
هسة ألعكل طاحت فرعينة
ألوكت يخزر علية فر عينة
درت عيني وبقت عينة علية
_________________
ألعتب عالكتب هل دستور عل سن
بوطنة زعلت ألضحكات عل سن
إعلاسة وألشعب معلوس علسن
وقفلتة وإنعلس قفل ألبوذية
_________________
ألضم خيط حبك وندف آني
وأون بشتة فراكك وندف آني
عدل وأصرخ وصيحن وندفاني
بلكت تصدف وتخطف علية
_________________
موش إحنة بحلاتك منتمرنة
دمرنة وضوك وشبع منتمرنة
نطشلك واهلية من تمرنة
ونحط جادر إذا مابيك جية
_________________
علية مخلبصات هواي ماحيل
ولا حيل ألبقة بفركاك ماحيل
تولتني ألشماتة حيل ماحيل
وأنة وياهم أصيحن حيل بية
_________________
باد ألحيل وأتعس بيدة هاية
وطلع ماكر حبيبي وبي دهاية
سالمني وشبكني بيدة هاية
وبيدة ألثانية يأشر علية
_________________
إشفافك عسل و حصتي مرة منهن
وإكطعلي جلاي سهمك مرة منهن
إشكم مرة لحكتك ومرة منهن
مو أنت إطلعت وشصار بية
_________________
إبحبك مرة أأيس مرة مني
سهامك عيد عدي مرة مني
مرة ألزعل منك مرة مني
ومرة إثنينة نزعل علية
_________________
أحب نيران من حبك دفني
وأموت وأحيا لوجفك دفني
تريد آني آخذك منك دفني
إبدمي تدور شيلزمك بدية
_________________
عليك ألقيت حجة وألقيامة
وياما براسك أقرة وألقيامة

يسلمــــــــــــــــــــــــــــــــــــــــــــــ ـــــــــــــــو
الايــــــــــــــــــــــــــــــــــــــــــــــ ـــــــادي
علــــــــــــــــــــــــــــــــــــــــــــــــ ــــى
الموضـــــــــــــــــــــــــــــــــــــــوع
الجميـــــــــــــــــــــــــــــــــــــــــل
تقبلـــــــــــــــــــــــــــــــــــــو
مــــــــــــــــــــــــــروري
المتواضــــــــــــــــــــع