( الدارمي والنساء التعيسات )

احداهن تقول انظر لهذا التعبير المجازي لفراقها من حبيبها وتعتبر السم اهون من فراق خليلها


السم شربته اعليك بالطوس الكبار
ما كتلي كبل ابساع ما عندي تدبار

وهذه تشكي ظلم العشق الذي يراودها في كل مكان وزمان


امحزمه احزامين وركض وره الغيم
حسبالي لعب جعاب ثاري العشك ظيم



واخرى وهي على فراش الموت تريد حبيبها ان يكلمها


هم بيه كبل الموت يلجنت اهم بيك
حل وكت المجازاه يلكتلي اجازيك


وهذه اخرى تشكي ظلم ابويها لحبيبها بعد ان يئست وتقول


يلمنتجي اعله الطوف خاله انت ابنمن
امي وبوي ايهود تكسر كلبــــمــــن

وانظر لما تقوله هذه المسكينة وهي
على فراش الموت خوفا على حبيبها من ان يسمع ويتاثر بذلك حين تقول


ينشعب كلب اهواي اس لا تصيحن
كل مرض ما بياش خاله استريحن

وفي الوداع تقول اخرى


وشله البكت بالعين محرزهه بجفاك
طاحت كبل لاكوم وتوادع ويـــــــــــاك

وفي الفراق والسفر تقول احداهن


طركاعه اجت للريل كل مشيه صايح
ماخذ شريج الروح للغربه رايح

واخرى مفجوعة بالاحبه

وش بعد وش خليت تنغط يلغراب

تنذكر ما تنشاف خليت الاحباب

وتعيسة اخرى بلغت حد الياس

جيبولي جدر النيل ارد اصبغ الثوب

تو ايس الدلال منهم فرد نوب

وهذه العاشقة المجنونة تحب جارها تلهج باسمه ليلا ونهارا وعند سماع اخاها الاكبر
بذلك هددها بالقتل عند ترديدها اسم حبيبها وجارها


حرمو حتى الصوت باسمك فلا صيح
دمعتي ابطرف العين بس ارمش اطيح


واخريات يندبن الحظ وظلم الزمان


لاتظن عيني اتنام وطبك جفنهه
مثل التنكط الماي لوحيد ابنهه


الكلب لمته ونام شينيم العيون
يبجن وهمه اهناه لو شالو اشلون




امنين اجاني اهواي حط جار اليه
ظل الشغل مطروح ميتات ايديه


جثر عذاب الروح انه ارضه يهواي
بالحشر بلجي يطول احسابك وياي


واخرى تندب حظها العاثر

زفوني تالي الليل للبرد حيله

حبني وترسني تفال من وره الشيله

واخرى تريد التخلص من زوجها

داده اخذي رجلي وياچ للسوگ اجلبيه

جيبيلي ابره وخيط والباجي اخذيه

- ما جاب الابره وخيط بعته بزبانه

ومتندم الشراي يركض ورانه


وبالتاكيد دارميات النساء التعيسات كثيره ولا تنتهي وارجو من الاعضاء الكرام اظافة

ما بحوزتهم من هذه الابيات

الله عليكم ياشعراء الحي تحياتي لكم من ديار الغربة كلش حلووووووووووووو هلدارميات اذا امكن دارميات الاخوة الشعراء حيدر حسين المياحي وفارس محمد الغالي اخوكم المهاجر نيسم الروح تحياتي لكم ولي مدينتي الجميلة الحي

لاخ رحمان جمعة المحترم شلونك وين دارمياتك الحلوةةةةةةةةةةةةة

موالات جميله
واليك هذا ألموال لامراه تخاطب رضيعها

ظل ابچي طول الليل ابدا مهزك

لوانته ابن اهواي چان اشمعزك

طكه الك مابياش كف عني يالبين [ندعوك للتسجيل في المنتدى أو التعريف بنفسك لمعاينة هذا الرابط] شات بجبل ضليت وذيابي الفين

الاخوة الاعزاء
ارجو من كل من يملك المساجله الكامله بين المراء وزوجها والتي تقول فيها
لو تبجي طول الليل ابدا مهزك لو لنته ابن هواي جان شمعزك