الحله دارمــــــــــــــــــــــــــــــــــــــــي

بستة ثـــلث بوسات ماجاني بسته
طعم العسل ياخوي بشفافه ضكته
* * *
صاير طبع بهواي من يكعد يكوم
اسود كلب وياي بس ابيض هدوم
* * *
الارض كلها رواح خفف مشيتك
حتى على الميتين عمت اذيتك
* * *
حبيبي الجنت احبه وجان ونسي
بدلت الرقم الخصوصي وصا تكسي
* * *
شوف شتكول الناس مطرب للوداع
من عادة المذبوح يرفس على الكاع
* * *
كلبي انعدم بهواك حسبالي توفي
منك حملت هموم ونعدم شوفي
* * *
ليش اليحب مينام للصبح يسهر
يتربه نجم سهيل والفجر لوطر
* * *
جرح الكلب يهواي يكبر ولم بيه
وخايف من الشمات تتورج عليه
* * *
متكلي اشخليت وتريد اتانيك
ماظل بعد بالروح حيل وتلاويك
* * *
كالولي يومك فات وراسك ملا شيب
متريدك الحلوات لن بيك الف عيب
* * *
كلمن يحب ينكال حب وتمرمر
كلبه نجرح جرحين مو ميه اكثر
***
الوردة من تنكاس تذبل تراهي
تكطمها ليش الناس من غصن زاهي